Kim Kardashian vijon ende të ruajë raporte miqësore me Tristan Thompson, megjithëse ai e ka tradhtuar disa herë motrën e saj, Khloé.
Në episodin e fundit të “The Kardashians”, themeluesja e SKIMS, tregoi se Tristan e ndihmoi të kalonte traumën nga ndarja me ish-bashkëshortin, Kanye West.
“Është çmenduri, sepse është shok dhe baba shumë i mirë, por thjesht s’mund të mblidhet dhe të jetë një i dashur besnik”, tha ajo duke qeshur.
“Sigurisht, veprimet e tij ishin shumë të tepruara, por ne kemi folur për to. Jemi zënë për to, por ai ka treguar edhe se është një njeri dhe mik shumë i mirë”.
Kim theksoi edhe se gjatë ndarjes problematike me Kanye-n, Thompson e mbrojti publikisht dhe e ndihmoi të kujdesej për fëmijët.
“Ai nisi të vinte nëpër lojërat e fëmijëve. Merrte Saint (djalin e Kim dhe Kanye), e nxirrte për darkë dhe më mbronte gjithnjë, sidomos për gjërat që lidheshin me ish-in tim. Unë s’do e harroj kurrë dhe nuk do e hedh kurrë poshtë dikë dhe të veproj sikur nuk mendoj se ai s’mund të rritet dhe të zhvillohet”.
