‘Dance With Me’ u shoqërua me përplasje mbrëmjen e djeshme, që kanë çuar edhe deri në mbyllje mikrofonash.
Kërcime të ndryshme u performuan nga të gjithë konkurentët në skenën e spektaklit, të drejtuar nga moderatorja Alketa Vejsiu dhe koreografi Albi Nako.
Mbrëmë ishte hera e parë që Albi u ngjit në skenë pas një kohe të gjatë. Pas përfundimit të performancës Alketa ka kërkuar opinionin e jurisë. Ai që nuk surprizoi me reagimin e tij ishte Robert Aliaj, i cili kishte rezerva dhe për kërcimin e koreografit dhe anëtarit të jurisë njëkohësisht.
‘Ishit aq kot… Nga këtu mu duk vetja si të isha bariu i një tufe…’ tha Roberti dhe menjëherë ka ndërhyrë Alketa e cila ka kërkuar urgjent nga juria të myllen mikrofonat.
Menjëherë pas kësaj ka filluar gara mes konkurentëve ku e para mbrëmjen e nisi Anna Lika.
