Nepsi gjatë shtatzënisë është i shpjeguar si nga ana shkencore po ashtu edhe nga ajo psikologjike. Biologjikisht, shtatzënia sjell një stuhi hormonesh që ndryshojnë me shpejtësi, të cilat fillimisht mund të shfaqen me shhqetësime stomaku dhe të vjella. Kjo fazë kalon dhe çon në dëshira intensive për ushqim gjatë tremujorit të dytë.
Por çfarë do të thotë nëse keni neps për akull gjatë shtatzënisë?
Nepsi për akull mund të sinjalizojë një problem
Disa nepse të caktuara nuk janë të shëndetshme dhe mund të sinjalizojnë problem. Besoni apo jo, një neps i tillë është akulli.
Kur keni neps për akull, mund të nënkuptojë që ke “pica”. Ky është një çrregullim gjatë të cilit keni një dëshirë të fortë për të ngrënë gjëra që nuk janë ushqim, duke përfshirë akullin, letrën, papastërtitë ose flokët. Pica vjen në lloje të ndryshme dhe kur keni dëshirë për akull, njihet si pagofagia.
Është një sinjal se diçka në trupin tuaj duhet të kontrollohet nga një mjek, zakonisht probleme mendore ose kequshqyerje. Një nga shkaqet më të zakonshme të “pica” është anemia për shkak të niveleve të pamjaftueshme të hekurit.
Nepsi për akull duhet të raportohet te mjeku juaj
Të duash pak akull në një ditë të nxehtë nuk është domosdoshmërisht një formë e “pica”, por të ndihesh i detyruar për të ngrënë kuba akulli gjatë gjithë ditës mund të jetë.
Sa herë që keni neps për sende që nuk janë ushqim, është e rëndësishme ta ndani këtë me mjekun tuaj. Ndërsa nuk ka asnjë test përfundimtar për “pica”, një mjek obstetër i aftë do të jetë në gjendje të njohë shenjat.
