Vetëm dy ditë më parë nisën polemikat lidhur me videon e re muzikore të Britney Spears, “Make Me”, pasi u zbulua se versioni origjinal i drejtuar nga David LaChapelle u anulua nga vetë Spears.
TMZ publikoi një pjesë nga video origjinale dhe është shumë e thjeshtë për të kuptuar pse skuadra e Britney mendoi se ishte “krejtësisht palidhje” dhe nuk ka një “linjë historie”. Në të vërtetë versioni i saj si e nënshtruar u publikua së fundmi, versioni i saj origjinal shfaqte këngëtaren me një trupore të zezë ndërsa bënte kërcim sensual në tokë, ndërsa më pas e shfaqte në një kafaz pranë një pishine.
Të gjithë ata që njohin punët e LaChapelle nuk duhet të surprizohen nga imazhet provokuese. Nga burimet pranë drejtuesit, video u refuzua sepse ishte shumë seksi, jo sepse ishte “palidhje”.
Fansat e Spears janë të dëshpëruar për të parë videon origjinale dhe nisën një peticion në mënyrë që të publikohet. Në peticion shkruhet që, “ne fansat e Britney gjejmë që video muzikore nuk është një përfaqësim i përshtatshëm i këngës dhe ne kërkojmë që video origjinale të publikohet”.
Deri më tani peticioni ka më shumë se 10,000 nënshkrues, kështu që origjinali pritet të publikohet shumë shpejt.
Burimi: Nylon
