Tashmë që emisioni “Top Arena” u mbyll me sukses, moderatorja Fjoralba Ponari po shijon pushimet për t’u rikthyer sërish në sezonin e ri me një tjetër projekt televiziv.
Por moderatorja u ndal fillimisht në një intervistë për “Top Albania Radio” ku rrëfeu detaje nga eksperienca në “Top Arena”, ku për një muaj u shfaq në ekranin e “Top Channel” në krah të moderatorit Edi Manushi, në emisionin dedikuar ndeshjeve të Botërorit.
Fjoralba tregoi se ishte një sfidë me vetvete ky program për të dhe nuk ngurroi të zbulonte edhe personazhin më të sikletshëm që kishte pasur në studio. Sipas saj, aktori i njohur Laert Vasili ishte shumë “problematik” pasi nuk mund t’ia merje dot fjalën.
“Ishte java ime e parë dhe isha në siklet edhe për problematikat e mia. Ndërsa ai ishte i gatshëm për të folur dhe për të bërë lajm dhe kur ja heq fjalën 1 herë, 2 herë, 3 herë duhet të kesh një farë elegance për të ndaluar” ,- u shpreh Fjoralba Ponari.
