Ajo është një nga këngëtaret që hap më shumë polemika! Por ndërsa herët e tjera Bleona Qerreti ka mbajtur një qëndrim të tërhequr, ajo ka vendosur që t’i shkojë deri në fund historisë së djeshme.
E gjitha nisi pasi këngëtarja postoi një fotografi, në të cilën shfaqen dy vajza duke bërë shqiponjën, ku në mbishkrimin e saj thuhet: “Konsullet e nderit… VivaAlbania. Lets’go Albania. Çunat shqiptarë po pushtojnë botën”.
Të shumtë kanë qenë ata që kanë komentuar për faktin se prapa dy vajzave ndodhet një dyqan me një emër qesharak. Shumë shqiptarë, më shumë sesa shqiponjën në duart e vajzave, kanë vënë re markën sipër kokës së tyre. Dikush ka filluar të bëj “tagg” miqtë e tij, të tjerë kanë komentuar se vajzat duhej të kishin gjetur një vend më të përshtatshëm për të bërë foton e tyre. Bleona është mjaftuar me këtë mbishkrim për të bërë pak rrëmujë në Instagram.
Ndërsa hyjmë në profilin e vajzës prej së cilës është bërë “repost” fotografia kuptojmë se ajo është nga Kazakistani dhe nuk ka lidhje fare me Shqipëri. Por ndoshta ky simbol i ka mbetur në mendje.
Vetëm pak orë pas komenteve që akuzonin këngëtaren se ndodhej ajo në foto, Bleona vendosi që të reagojë vetë dhe me mënyrën e saj.
“Për të gjithë “qorrat” me dy sy në ballë: Në postimin e mëparshëm NUK JAM UNË !!! E keni emrin e vajzës në fotografi mbasi unë i kam bërë “repost” të llogarisë së saj pikërisht që “qorrat” të mos ngatërrohen!!! Unë mendoj që është qesharak fakti që këto vajza kanë zgjedhur pikërisht këtë vend specifik të bëjnë foto me simbolin shqiptar!!!! Kaq – qorra të mjerë!!!!”, sqaron Bleona.
Burimi: Instagram
