Protestuesit kanë pushtuar tapetin e kuq të Festivalit të Filmit në Kanë, me kauzë kundër dhunës së meshkujve.
Kjo protestë çoi në incidentin e dytë të kësaj jave.
Një grup grash dhe vajzash shpalosën një pankartë në premierën e thrillerit “Holy Spider”, teksa lëshuan tym të zi nga disa pajisje dhe mbajtën grushtat në ajër.
Pankarta paraqiste një listë të viktimave të ‘129 viktimave femra dhe vajza që nga festivali i fundit i Kanës’ – në një referencë të dukshme për numrin e vrasjeve në familje në Francë.
Pamje dhe video të ngjarjes u shpërndanë gjerësisht në rrjetet sociale.
Me regji të Ali Abbasi, Holy Spider tregon historinë e një gazetareje që heton një vrasës serial që ka nën shënjestër punonjëset e seksit në qytetin iranian të Mashhad.
Ai bazohet lirisht në rastin e vërtetë të Saeed Hanaei, një punëtor ndërtimi, i cili vrau 16 gra midis 2000 dhe 2001 përpara se të kapej nga policia.
Kjo është protesta e dytë që zhvillohet në Kanë këtë javë.
Të premten, premiera e “Three Thousand Years Of Longing” të George Miller u ndërpre nga një grua që protestonte kundër dhunës seksuale gjatë luftës në Ukrainë.
Gruaja grisi rrobat e saj gjatë procesionit në tapetin e kuq të filmit për të zbuluar mesazhin “Ndaloni së na përdhunuari” të shkruar në trupin e saj me ngjyrat e flamurit të Ukrainës.
