Policia e Shtetit, në kuadër të protestës së organizuar sot nga Partia Demokratike, ka marrë masat për mbarëvajtjen e saj. Me anë të një deklarate për shtyp, policia bën me dije të gjitha masat që ka marrë dhe njofton se në disa akse rrugore do të ketë disa rrugë të bllokuara.
Njoftim i policisë
Në kuadër të zhvillimit të protestës të subjektit të Partisë Demokratike, më datë 18 Dhjetor 2017, ora 09.00 -13.00, para Parlamentit, Drejtoria Vendore e Policisë Tiranë, ju bënë me dije se:
Duke filluar që më datë 17.12.2017, në orën 22:00 dhe deri në përfundimin e protestës ditën e nesërme nuk do lejohet lëvizja e mjeteve në rrugët e mëposhtme:
Rruga “Xhorxh Bush” (nga Ura e Elbasanit – kryqëzimi tek sheshi “Sulejman Pasha”
Spostimi te rruga “Xhorxh Bush” dhe rrugicat që kufizohen me të do filloj nga ora 22:00 e datës 17.12.2017.
Nesër, nga ora 07:00 deri në përfundim të protestës në hyrjet e qytetit dhe brenda unazës se mesme nuk do lejohet qarkullimi i mjeteve të tonazhit të rëndë të cilat do devijojnë në Unazën e madhe dhe rrugë të tjera alternative.
Do ketë devijim të trafikut në shumë akse rrugore.
Mjetet e transportit të ardhur nga rrethet nuk do lejohen në brendësi të qytetit dhe do te parkohen: – Tek Terminali në Rrugën e Elbasanit
– Sheshi “Shqiponja”, rruga “Teodor Keko”.
– Në hyrje të Kombinatit deri tek varrezat e Kombinatit.
Gjithashtu do te ndalohet futja e mjeteve tek Ura e Paskuqanit dhe Ura e Babrroit.
U sugjerojmë qytetarëve të largojnë mjetet e tyre në rrugët e sipërcituara duke lehtësuar së tepërmi punën e policisë.
Në të kundërt mjetet do spostohen me mjete ngritëse.
