Ashtu siç e parashikuam në ditën e Shën Valentinit, Armina Mevlani e ka marrë unazën dhe propozimin për martesë nga partneri i saj Shkëlzen Berisha. Pak ditë më parë, Shkëlzeni i bëri një propozim në Facebook (Kliko këtu), blogeres së njohur duke i kërkuar të bëhet Valentini i tij përgjithmonë.
E ftuar në emisionin “Rudina”, Armina u shpreh se propozimi është bërë publik në rrjetin social Facebook dhe ka qenë diçka e papritur edhe për të, sepse të dy bashkë ata kanë dashur që disa gjëra t’i mbajnë intime:
“Unë e kam marrë propozimin. Ky propozim ishte diçka pak më publike nga ana e tij, që unë nuk e prisja. Unë prisja një urim më të zakonshëm, por më intim. Sigurisht, mu bë shumë qejfi, sepse ishte disi më e veçantë dhe një tregues për të gjithë njerëzit që ne po shkojmë drejt një hapi të rëndësishëm”, – tha Armina.
Po unaza? Edhe atë, Armina e ka marrë tashmë: “Unazë nuk ka pasur në këtë rast, sepse edhe unazën e kam marrë, por kam dashur që disa gjëra t’i mbaj private. E mbaj vetëm në raste të veçanta…” – tregon Armina duke shtuar se unaza simbolike është një shenjë që do ta çojë çiftin në hapat e tjerë të marrëdhënies së tyre: “Është një unazë e thjeshtë, në një formë luleje që për mua do të thotë shumë… Një tregues që do të thotë se jemi drejt një hapi të rëndësishëm në marrëdhënien tonë…”
