Mes qindra njerëzve të mbledhur në qytetin e Korçës për të festuar “Festën e Birrës” ka ndodhur një propozim magjik që i ka surprizuar të gjithë. Ish-banori i “Big Brother” Kristi Beçka i ka propozuar për martesë të dashurës së tij, Tea Zhuli.
Ata u njohën brenda shtëpisë së “Big Brother” dhe u bënë çift pas daljes nga kjo shtëpi. Me sa duket tashmë ka ardhur momenti që lidhjen e tyre ta kurorëzojnë me martesë dhe Kristi ka zgjedhur mënyrën më të bukur për t’i propozuar Teas.
Gazeta “Express” ka siguruar disa video ku ish-banori i “Big Brother” është ngjitur në skenë dhe para qindra njerëzve i është ulur në gjunjë Teas duke i propozuar për martesë. Një gjest që i ka emocionuar gjithë të pranishmit, të cilët kanë shpërthyer në duartrokitje dhe brohorima.
Qyteti i Korçës në këtë moment magjik u mbulua nga dritat dhe fishekzjarrët duke e shtuar akoma më shumë atmosferën emocionuese të krijuar.
