Yvon Chouinard, pronari i “Pantagonia”, së bashku me familjen dhe avokatët e kompanisë krijuan një strukturë që do të lejojë kompaninë të funksionojë si një kompani fitimprurëse, të ardhurat e së cilës do të shkojnë për përpjekjet mjedisore. Chouinard u shpreh se sipas kësaj strukture, çdo fitim që nuk riinvestohet për kompaninë, do të shkojë për të luftuar ndryshimet klimatike.
“Për momentin, Toka është aksioneri ynë i vetëm. Të gjitha fitimet, do të shkojnë në misionin tonë për të ‘shpëtuar planetin tonë vendas’. Nëse kemi shpresë për një planet të lulëzuar, do të na duhet të gjithëve të bëjmë atë që mundemi me burimet që kemi. Kjo është një mënyrë që ne kemi gjetur për të bërë pjesën tonë”– tha ai në një deklaratë.
Familja e Chouinard dhuroi 2% të të gjithë aksioneve dhe të gjithë autoritetin vendimmarrës. Çdo vit, paratë që Patagonia fiton pas riinvestimit në biznes do t’i shpërndahen organizatës jofitimprurëse për të ndihmuar në luftimin e krizës mjedisore.
“Në vend që të shfrytëzojmë burimet natyrore për të bërë kthime të aksionarëve, ne po e kthejmë kapitalizmin aksionar duke e bërë Tokën aksionerin tonë të vetëm”- tha Charles Conn, kryetari i bordit të kompanisë.
Struktura është krijuar për të shmangur shitjen e kompanisë ose marrjen e saj publike, gjë që mund të kishte nënkuptuar një ndryshim në vlerat e saj.
“Në vend që të nxjerrim vlerë nga natyra dhe ta transformojmë atë në pasuri për investitorët, ne do të përdorim pasurinë që krijon Patagonia për të mbrojtur burimin e të gjithë pasurisë”- thuhet në deklaratë.
Chouinard dhe Patagonia kanë qenë prej kohësh themelues në aktivizmin mjedisor dhe përfitimet e punonjësve. Në gati 50 vitet e funksionimit të saj, “Patagonia” ka qenë e njohur për përfitime të shumta për punonjësit. Në vitet ’80, kompania filloi të dhuronte 1% të shitjeve të saj për grupet mjedisore, një program i zyrtarizuar në 2001 si “1% për skemën e planetit”. Programi ka rezultuar në 140 milion dollarë donacione për ruajtjen dhe restaurimin e mjedisit natyror.
