Ministrja e Financave, Anila Denaj, ditën e sotme ka dhënë më tepër detaje në lidhje me programin e qeverisë për ripunësimin.
Ministrja Denaj tha se Agjencia Kombëtare e Punësimit dhe Arsimit Profesional, do të bëjë përshtatshmërinë e kërkesave të punëmarrësve me ato të punëdhënësve dhe më pas do të bëhet subvencionimi sipas skemave.
Më tej Dena sqaroi edhe subvencionet për skemat për punësimet 4 mujore, 8 mujore dhe 12 mujore.
“AKMA ka databazën e personave që janë në kërkim të punës. Bën përshtatshmërinë e kërkesave të punëmarrësve me të punëdhënësve, dhe arrin të japë një subvëencion sipas kategorive të skemave. Ne synojmë një punësim afatgjat, biznesi duhet të shkojë drejt ketyre punësimeve. Brenda mundësive që kanë por në skemë për një punësim sezonal. Për një punësim 4 mujor do të subvencionohen 2 muaj paga minimale, skema e dytë për punësim 8 mujor do të subvencionojë 4 paga minimale, skema e tretë do të ketë subvencion kontribnutesh, si të punëdhënist dhe punëmarrësit për 12 muaj. Kjo skemë do të nxisë punësimin e informalëve”, u shpreh Denaj.
? Programi për ri-integrimin e shpejtë në tregun e punës të punëkërkuesve që kanë dalë të papunë si pasojë e COVID-19, pjesë e paketave të qeverisë për rimëkëmbjen ekonomike dhe sociale të shkaktuar nga pandemia?
? Përmes këtij programi, është QEVERIA ajo që do të financojë pagën dhe kontributet e detyrueshme shoqërore, duke ndihmuar drejtpërdrejtë individin dhe mbështetur kompanitë në procesin e rimëkëmbjes?
