Kim Kardashian ka dhënë një urdhër pesë-vjeçar mbrojtjeje për një mashkull që i dërgoi asaj një unazë diamanti.
Në dokumentet e dorëzuara në gjykatë, avokati i Kardashian, Shawn Holley tha se burri, Nicholas Costanza, kishte arritur dy herë në shtëpinë e saj në të kaluarën dhe i dërgoi “dhuratën” në një paketë që ekipi i saj i sigurisë kapi para se ajo të përfundonte në duart e yllit.
Gjykatësi i Los Angelos-it e urdhëroi Costanza-n të mbajë të paktën 100 metra larg yllit të Keeping Up ëith the Kardashians dhe të mos kontaktojë me të.
Problemet me përndjekësit nuk kanë fund për Kim pasi dhe më herët ajo mori një urdhër mbrojtje për shkak të burri që e përndiqte prej muajsh, të quajtur Charles Peter Zelenoff, sipas TMZ.
Ai e ka përndjekur 40-vjeçaren për muaj me radhë e madje ka tentuar të futet brenda rezidencës Hidden Hills në Los Angeles. Ajo mori pjesë në një seancë dëgjimore në 23 qershor përmes një telefonate, me ekipin e saj ligjor që po bënte presion për një urdhër ndalimi pesë-vjeçar. Kim Kardashian i është dhënë një urdhër mbrojtjeje 3-vjeçar, pasi sipas gjykatës ai nuk e ka kërcënuar drejtpërdrejtë yllin e televizionit.
Kim Kardashian ka treguar se personi në fjalë bënte postime në Instagram ku shprehte dëshirën për të pasur marrëdhënie fizike me të. Gjithashtu ai ka pretenduar se ka arritur të xhirojë edhe brenda shtëpisë së Kim.
