Lil Wayne ju ka dhënë fund spekulimeve se ai dhe partnerja e tij, Denise Bidot, janë martuar. Në muajin prill, reperi bëri një potim në Twitter, që i bëri të gjithë të besonin se ai ishte martuar. Lil Wayne fliste për nisjen e një kapitulli të ri dhe se do të ishte përgjithmonë pranë një personi.
”Unë jam personi më i lumtur. Sot është fillimi i “përgjithmonë” i jonë. Përgjithmonë; Gjithmonë; Gjithmonë dhe përgjithmonë! Carter”, shkroi Wayne.
Happiest man alive! Today is the beginning of our forever. Forever?? Forever, ever?? FOREVER EVER!!!!! The Carters.
— Lil Wayne WEEZY F (@LilTunechi) April 20, 2021
Ndërkohë në një lidhje live në Instgaram me Nicki Minaj, reperi ka sqaruar se si qëndron e vërtetë. Ai ka treguar se nuk është martuar ende dhe se ligjërisht vazhdon të ketë statusin e beqarit.
“Ditën tjetër kishte disa postime në twitter dhe unë po mendoja ‘Çfarë po ndodh?” dhe të shkrova ty dhe të thashë ‘Oh, urime. Mund të them se ti ishe në humor të mirë’. Dhe thashë ‘Urime’, sepse mendova se ishte martuar”, u shpreh Nicki gjatë lidhjes live.
Në përgjigjen e tij, Wayne u shpreh: “Jam i lumtur që më pyete. Nuk u martova”.
Ai vazhdoi më tej duke sqaruar se shkroi “Carter” në postim, pasi i referohej djemve të tij, që së fundmi kanë krijuar një grup rap me këtë emër.
“Thashë ‘The Carters’ sepse është emri i vogël i grupit të vogël të djemve të mi”, u shpreh Wayne duke qeshur.
Kujtojmë se Lil Wayne bëri publike lidhjen me Bidot në qeshor të 2020-s, pasi kjo e fundit publikoi disa foto me reperin në Instagram.
