Pas ndarjes së bujshme të këngëtarëve Nora Istrefi dhe Robert Berisha, në rrjet u përfol se edhe Tuna nuk shkonte mirë me Patrisin.
Kjo për faktin se këngëtarja ishte nisur e vetme për pushime, pa bashkëshortin dhe djalin e tyre, Tianin.
Ajo shoqërohej nga një mikeshë dhe fakti që Patrisi nuk ndodhej me të, i bëri ndjekësit të mendojnë se ata po kalojnë probleme në martesën e tyre.
Mirëpo ditën e sotme, Tuna i ka shuar të gjithë zërat që fliten për të, nëpërmjet një postimi në Instagram.
Ajo ka publikuar një pozë nga pushimet dhe krahas saj shkruan:
“2019-ta, shkon robi n’pushim edhe vetë.”
Me këtë shkrim, ajo sqaroi njëherë e mirë se gjërat mes saj dhe Patrisit janë shumë në rregull, mirëpo këngëtarja kishte zgjedhur që këto pushime t’i kalonte vetëm.
Kujtojmë se prej kohësh Tuna nuk ka pasur marrëdhënie të mira me kunatin e saj, Robertin, i cili bëri deklarata të forta për të në publik disa muaj më parë.
