Shpesh emisionet televizive kanë pasur incidente, disa herë kjo ka ndodhur për shkak të të ftuarve dhe disa herë për shkak të organizatorëve. Në emisionin që do të transmetohet mbrëmjen e sotme “Soiree”, duket se gjërat nuk kanë shkuar siç duhet.
Moderatorja Jonida Shehu kishte zgjedhur temën “Mbrëmja vlonjte”, për të cilën kishte ftuar disa personazhe te njohur shqiptarë me origjinë nga Vlora, mes tyre Maya-n, Bujar Asqeriun, Rita Latin, etj.
Por burime nga televizioni kanë treguar për “Xing.al” se në moment të fundit është ndryshuar emri i emisionit, pasi pritej të quhej “Mbrëmja e Jugut”.
Për këtë arsye të ftuar ishin dhe Agron Llakaj dhe Ylli Baka. Këto dy të fundit mësohet se kanë reaguar ashpër për ndryshimin, por detajet do t’i shohim mbrëmbjen e sotme.
