Silvio Berlusconi është shtruar me urgjencë në spital të martën në mëngjes në Milano.
Rreth orës 10:00 lideri i Forza Italia u transportua me ambulancë në San Raffaele, ku pati një operacion në zemër në qershor të vitit 2016 pas një sëmundjeje të shkaktuar në aortë.
Ekzaminimet mjekësore po vijojnë ndërkohë që gjendja e tij thuhet se është ndërlikuar.
Ish-kryeministri kishte caktuar një takim në Villa Gernetto për paraqitjen e kandidatëve të Forza Italia, pasuar me një konferencë shtypi.
Por kjo kurrësesi nuk ka për ta penguar atë që të jetë pjesë e takimit dhe këtë e vërtetojnë burime nga afër ish-kryeministrit.
Kohët e fundit, Berlusconi 82-vjeçar kishte kaluar kontrolle rutinë dhe shëndeti i tij nuk kishte pasur ndonjë shqetësim.
/Corriere.it
