Qyteti i Prizrenit ka mirëpritur dy foshnja nga Durrësi.
Njëra nga nënat ishte në Durrës në shtëpinë e saj bashkë me gjashtë fëmijët kur ndodhi tërmeti. Manushaqe Hoda u detyrua t’i kalojë dy netë nën tenda dhe më pas u nis për në Kosovë.
Kurrë nuk e kishte menduar më herët që fëmijën e saj të shtatë do ta lindte në Kosovë, konkretisht në Prizren.
Në po të njëjtën ditë, një nënë tjetër, Morena Selimi, po durrsake, ka sjellë në jetë një foshnjë të gjinisë mashkullore.
Të dy foshnjat dhe nënat gëzojnë shëndet të plotë. Qyteti i Prizrenit ka numrin më të madh të qytetarëve të ardhur nga qytetet e Shqipërisë të prekur nga tërmeti.
/Tv Klan
