Një lajm emocionues për të gjithë fansat e “Game of Thrones”, pasi prodhimi ka filluar zyrtarisht në Sezonin 2 të House of the Dragon. I zhvillua 200 vjet përpara ngjarjeve të Game of Thrones, seriali ndjek historinë e House Targaryen, siç përshkruhet në Fire & Blood të George RR Martin, raporton ‘Marca‘.
Ryan Condal , bashkë-krijues, drejtues i shfaqjes dhe producent ekzekutiv i House of the Dragon , shprehu entuziazmin e tij për rikthimin e shfaqjes, duke thënë: “Ne jemi të emocionuar që do të xhirojmë përsëri me anëtarët e familjes sonë origjinale, si dhe me talente të reja”
It’s time to return to King’s Landing.
Season 2 of #HouseoftheDragon is now in production. pic.twitter.com/lGSQSq6oK9— House of the Dragon (@HouseofDragon) April 11, 2023
Kasti për Sezonin 2 të House of the Dragon është një përzierje mes talenteve të reja dhe atyre që kthehen. Kasti përfshin emrat si: Matt Smith, Olivia Cooke, Emma D’Arcy, Eve Best, Steve Toussaint, Fabien Frankel, Ewan Mitchell, Tom Glynn-Carney, Sonoya Mizuno dhe Rhys Ifans.
Disa personazhe nga sezoni i parë nuk do të jenë më në rolet e tyre. Bëhet fjalë për: Milly Alcock dhe Emily Carey që portretizuan versionet e Rhaenyra dhe Alicent.
Sezoni i dytë mund të pritet deri në vitin 2024
Ekipi krijues që qëndron pas House of the Dragon udhëhiqet nga Martin si bashkë-krijues dhe producent ekzekutiv, Condal si drejtues dhe producent ekzekutiv, dhe producentë të tjerë ekzekutivë si Sara Hess, Alan Taylor, Melissa Bernstein, Kevin de la Noy, Loni Peristere, dhe Vince Gerardis.
Fansat presin me padurim sezonin e ardhshëm, i cili pritet të sjellë beteja më emocionuese, intriga politike dhe aventura.
Condal tha: Është e pabesueshme të jesh në gjendje të vazhdosh të krijosh, me një kast dhe ekip kaq të madh”
