Për pak muaj Afërdita Dreshaj pritet të sjellë në jetë fëmijën e saj të parë. Ajo është në muajin e shtatë të pritjes së ëmbël dhe do të lindë një djalë bukurosh. Duke qenë se shtatzënia po shkon drejt fundit, Afërdita po merret me përgatitjet e fundit për të pritur vogëlushin në shtëpi.
Ajo ka treguar se ka blerë gjithçka që do i duhet të voglit dhe i ka bërë gati garderobën e tij. Afërdita ka publikuar së fundmi një foto nga dollapi i djalit dhe në të bien në sy veshje sportive në ngjyra të ndryshme. Afërdita ka blerë që tani edhe lodra, që do e shoqërojnë të voglin gjatë gjithë rritjes së tij. Nga detajet në foto, vihet re se Afërdita i ka blerë veshjet e vogëlushit në disa nga markat më të njohura ndërkombëtare si “Dior” apo “Fendi”.
“Rregulluam dollapin dje. Faleminderit teze Jehona për ndihmën”, ka shkruar Afërdita përkrah fotos së dollapit.
Teksa shijon në maksimum shtatzëninë, Afërdita ka shijuar pafund edhe udhëtimet gjatë kësaj periudhe.
Kësaj here, këngëtarja është nisur në një tjetër destinacion me bashkëshortin e saj Jakub dhe motrën. Jehonën.
Destinacioni i radhës ka qenë New York-u, siç ka treguar Afërdita në InstaStory.
Para këtij udhëtimi, Afërdita dhe bashkëshorti ishin gjithashtu në ishujt e Karaibeve, ku shijuan diellin, detin dhe rërën e nxehtë.
View this post on Instagram
