Një pjesë nga traileri i sezonit përmbyllës të serialit “La Casa de Papel” është publikuar së fundmi nga “Netflix”.
“La Casa de Papel”, e njohur edhe si “Money Heist”, do të nisë pesë episodet e saj të fundit më 3 dhjetor.
Netflix theksoi se seriali është drama më e shikuar jo në gjuhën angleze, e cila është parë nga 180 milionë familje në botë.
Sezoni i fundit përbëhet nga dy vëllime, i pari – me pesë episode – u publikua më herët. Ashtu si u bë e ditur, adhuruesit e serialit duhet të presin deri në dhjetorin e këtij viti për të parë episodet e vëllimit të dytë.
“Banda është mbyllur në Bankën e Spanjës për mbi 100 orë. Ata kanë arritur të shpëtojnë Lisbonën, por momenti më i errët është mbi ta pasi kanë humbur njërin prej tyre. Profesori është kapur nga Sierra dhe, për herë të parë, nuk ka një plan arratisjeje.”, shkroi “Netflix” më herët.
Sezoni i fundit do të nisë me bandën që mbyllet brenda Bankës së Spanjës për mbi 100 orë. Profesori i kapur nga Sierra nuk mund të arratiset, sepse nuk ka asnjë plan dhe grabitja merr një tjetër kthesë ndërsa banda përballet me Ushtrinë. A do të humbasë banda më tepër anëtarë? A do të jetë gjallë Profesori? A do të jetë vjedhja e suksesshme? Disa nga këto pyetje janë zbuluar dhe disa të tjera do të bëhet të ditura në episodin përmbyllës.
