Kohë më parë, Bebe Rexha zbuloi një surprizë të madhe që kishte kohë që e paralajmëronte. Ajo tregoi se në datë 7 maj do të publikojë albumin e saj të ri me titull “Better Mistakes”. Këngëtarja shqiptare e mbajti premtimin pasi më fund u publikua projekti i saj i madh, duke shënuar kështu një moment të rëndësishëm për karrierën e saj.
Ky është albumi i saj i dytë gjatë jetës profesionale, i cili mban titull “Better Mistakes”, që në shqip do të thotë “Gabime më të mira”. Ai përmban gjithsej 13 këngë, dhe tanimë mund të shijohet në të gjitha platformat muzikore në botë.
Rexha është shprehur kohë më parë se për këtë album ka punuar mbi dy vite, pasi ishte planifikuar të dilte vitin e kaluar, por që pandemia e shtyu publikimin e tij.
Këngët e “Better Mistakes” kanë kryesisht tema të shëndetit mendor, pasi edhe artistja shqiptare ka pranuar se vuan nga probleme të tilla, si ai i çrregullimit bipolar. Kjo është dhe arsyeja pse Rexha zgjodhi që albumin ta publikonte në muajin maj, i cilinjihet në të gjithë botën si muaji i ndërgjegjësimit për shëndetin mendor.
“Better Mistakes” ka arritur sukses të menjëhershëm dhe deri më tani ka arritur të renditet albumi i parë në disa shtete si: Greqia, Finlanda dhe Izraeli.
Ju njohim me këngët e këtij albumi:
- “Break My Heart Myself” (bashkëpunim me Travis Barker)
- “Sabotage”
- “Trust Fall”
- “Better Mistakes”
- “Sacrifice”
- “My Dear Love” (bashkëpunim me Ty Dolla Sign dhe Trevor Daniel
- “Die for a Man” (bashkëpunim me Lil Uzi Vert)
- “Baby, I’m Jealous” (bashkëpunim me Doja Cat)
- “On the Go” (bashkëpunim me Pink Sëeats dhe Lunay)
- “Death Row”
- “Empty”
- “Amore” (bashkëpunim me Rick Ross)
- “Mama”
