Fansat ishin të bindur se Fero do të sjellë edhe një projekt në bashkëpunim me Stresin, kjo për shkak të fotos së fundit që ka qarkulluar në rrjete sociale rreth dy muaj më parë.
Stresi ka udhëtuar drejt Kosovës dhe djemtë kanë shkrepur një foto në studion e “Gang Gang Entertainment”, ku Fero ka kaluar ditë të tëra duke punuar.
Dhe dyshimet kanë marrë jetë disa javë më parë, kur Stresi ka publikuar një foto në Instastory ku shihet së bashku me Feron duke folur me kamër, teksa ka shkruar “Sa jeni tu e prit mega Hitin??”
Për të gjithë fansat e dy reperëve, pritja ka marrë fund. Nëpërmjet një postimi në Instagram, Fero ka bërë me dije se bashkëpunimi i tyre del nesër dhe ne mezi po presim.
View this post on Instagram
Kjo këngë do jetë pjesë e albumit të Stresit që mban shumë bashkëpunime dhe deri tani është bërë e ditur se Stresi do të sjellë një bashkëpunim me Çartanin, me reperin Gent dhe me Don Phenom.
Ndërkohë, Fero gjatë kësaj kohe ka qëndruar më shumë në studion e tij “Gang Gang Entertainment” ku ka punuar në albumin e tij të dytë e po ashtu për artistët e tjerë.
