Një engjëll i vogël do të vijë së shpejti.
Modelja e njohur e Victoria’s Secret, Chanel Iman ka zbuluar se është në pritje të ëmbël të fëmijës së saj të parë me bashkëshortin, Sterling Shepard.
27-vjeçarja priti Ditën e Nënës për të dhënë lajmin e bukur duke gëzuar kështu fansat e saj. Ajo publikoi një foto ku shfaqej me barkun e rrumbullakosur, teksa shkruante:
“Babi dhe mami mezi presin të të njohin. Teksa i afrohem mëmësisë, dua t’u uroj Gëzuar Ditën e Nënës të gjitha nënave dhe atyre që do të bëhen”.
Iman më pas ndau disa foto të tjera me partnerin 3 vjet më të ri, i cili shfaqej duke i puthur barkun modeles, teksa të dy ishin shtrirë në dysheme.
Iman dhe Shepard u martuan në mars në një ceremoni luksoze në Beverly Hills, vetëm katër muaj pas fejesës së tyre në New York.
