Duket se këngëtarja e njohur Fifi nuk ka ndërmend ta mbyllë këtë vit pa projekte të reja nga ana e saj, për të cilat ka punuar fort gjatë këtyre muajve.
Vetëm pak ditë më parë, ajo lançoi këngën e saj më të re në bashkëpunim me reperin e njohur Bardhi, të titulluar “Du & Ich”.
Kënga është pëlqyer shumë nga publiku dhe i ka kaluar 1 milion klikime në Youtube.
Por, duket se një bashkëpunim tjetër është rrugës, të paktën kështu ka lënë të kuptohet deklarata e fundit e Fifit në Instagram.
Në një postim në InstaStory, këngëtarja tregon se ka dëshirë të bashkëpunojë me Tuna Sejdiun, Rinën dhe Havan.
Këtë postim të Fifit, Rina e publikoi në Instatory-n e saj duke i hedhur benzinë zjarrit.
“Hmm”- shkruan reperja duke e shoqëruar me një emoji ku mendohet dhe kaq është dashur që fansat të bëhen menjëherë gati për një bashkëpunim.
Megjithatë, nuk kemi ende detaje nga vajzat, ndaj mbetet të presim!
