Kim Kardashian mbetet një nga njerëzit më me ndikim në industri, por edhe asaj ia paska “vjedhur” zemrën Johnny Depp në rininë e saj.
Kim e cila konsiderohet si më e famshmja e Kardashianëve, ka miliona ndjekës dhe ka ndërtuar markën e saj miliarda dollarëshe.
Megjithatë, duke pasur parasysh bujën e kohëve të fundit me Depp dhe padinë e tij për shpifje kundër Amber Heard, një intervistë e dhënë nga Kardashian në vitin 2020 është kthyer në qendër të vëmendjes.
“Unë isha e fiksuar pas Johnny Depp kur isha adoleshente”, tha Kardashian për “Daily Life Australian”.
“Mendoja se ai ishte shumë simpatik. Ishte shumë i pashëm dhe kishte hijen e një djali të keq, veçanërisht kur ishte i lidhur me Winona Ryder dhe më pas me Kate Moss. Më pëlqente të shikoja çiftet dhe të pyesja veten se çfarë ishte ajo që i tërhiqte ata me njëri-tjetrin. Unë nuk kam shkuar asnjëhere pas djemve të këqij dhe kurrë nuk ikja pas djemve që ju pëlqente të festonin, por sigurisht që isha e tërhequr fizikisht nga Johnny Depp”, ka përfunduar Kim.
Ndërsa Kardashian në kohën e intervistës ishte e martuar me reperin Kanye West, dyshja që atëherë janë ndarë. Kardashian tashmë është në një lidhje me aktorin e humorit Pete Davidson
