Ariana Grande dhe Pete Davidson i kanë dhënë fund historisë së tyre të dashurisë, pas pesë muajsh shumë intensive duke gdhendur në trup emrat e njëri-tjetrit, apo duke birësuar kafshë.
Por në mendjen e të gjithë fansave të tyre, që mendonin se ata ishin të adhurueshëm së bashku, lind normalisht pyetja: “A do të kthehen sërish bashkë?”
Mesa duket, nuk është diçka e pamundur! Burime për “People” tregojnë se pas ndarjes, Ariana dhe Pete po kalojnë një periudhë shumë të vështirë larg njëri-tjetrit. Nga ana tjetër, nuk duhet harruar se ata janë thjesht të paparashikueshëm!
“Duket se ka marrë fund! Ama nëse pas disa ditësh i shohim sërish bashkë, nuk do të ishte aspak shokuese” – tha burimi.
Pas ndarjes, Ariana është fokusuar në muzikë dhe miqtë e familjarët janë shumë të shqetësuar.
“Ajo po qëndron e fortë dhe është fokusuar vetëm tek puna,. Gjithsesi, miqtë dhe familjarët janë shumë të shqetësuar për të.” – sqaroi burimi.
