Ajo ka nisur së fundmi një turne botëror më bashkëshortin e saj. Por fansat e Beyonce dalluan se ylli i pop-it mund të jetë duke fshehur barkun e rrumbullakosur, ndërsa performon në skenë në turneun “On the Run II” me Jay Z.
Fansat e këngëtares nisën të spekulonin se Beyonce është shtatzënë dhe në pritje të fëmijës së saj të katërt, pasi publikuan disa foto dhe video, ndërsa burime për revistën “Star” zbuluan se ajo është shumë e lumtur për pritjen e ëmbël.
Fansat gjithashtu vunë re zgjedhjet e veshjeve të Beyonce gjatë koncerteve të saj në Europë që duket se po tentonin të fshihnin diçka, ndërkohë që çifti do të japë 48 performanca gjithsej përreth botës.
“Beyonce duket se është sërish shtatzënë. Ju e dini që ata e duan numrin 4″, shkroi një fans në “Twitter”.
Një tjetër fans shkroi se ishte i impresionuar me energjinë e këngëtares për të performuar edhe pse është shtatzënë.
“Beyonce që bën një turne në të gjithë botën ndërkohë që është shtatzënë është një nga motivimet më të mëdha”, ishte një koment.
Dikush tjetër nga mënyra e veshjes dhe qëndrimit të këngëtares shkroi, se ishte shumë i bindur që ylli i muzikës është shtatzënë.
Një burim tha për revistën “Star” që, pavarësisht se lajmi ishte surprizues për çiftin, janë të lumtur që të mirëpresin një pjesëtar të ri në familje.
“Është shokuese kaq shpejt pas lindjes së binjakëve, por ajo është shumë e lumtur. Ajo po mundohet që ta mbajë të mbuluar barkun për sa më gjatë që të mundet”, tha burimi.
Binjakët Rumi dhe Sir mbushën 1 vjeç, ndërsa motra e tyre e madhe Blue Ivy është 6 vjeçe.
Burimi: Daily Mail
