Kryetarja e Komisionit Europian, Ursula Von der Leyen, ka paralajmëruar të gjithë që të bëjnë kujdes të veçantë me rezervimin e pushimeve këtë verë, pasi askush nuk e di sesi të shkojë situata me pandeminë.
“Unë ju këshilloj të prisni. Askush nuk mund të bëjë parashikime të besueshme për muajt Korrik dhe Gusht në këtë moment”, u shpreh ajo në një intervistë për Bild.
Më tej kryetarja e KE-së, paralajmëroi karantinë për të moshuarit deri në fund të vitit. Ajo theksoi se nuk do të kenë liri përgjatë gjithë kohës së pandemisë.
“Kontaktet e të moshuarve me mjedisin në Europë duhet të jenë të kufizuara të paktën deri në fund të këtij viti për shkak të pandemisë. Pa vaksinë, ne duhet të kufizojmë sa më shumë kontaktet me të moshuarit, veçanërisht ata të vendosur në azil. E di që është e vështirë të izolosh, por është çështje ekzistence. Ne duhet të mbetemi të disiplinuar dhe të durueshëm”.
Të moshuarit mund të mbahen të izoluar deri në fund të vitit për t’i mbrojtur ata nga koronavirusi, tha Ursula von der Leyen në intervistën e publikuar të dielën (12 Prill).
/Klan
