Prej disa javësh, këngëtarja Rita Ora ka nisur turin e saj muzikor në disa qytete të Mbretërisë së Bashkuar. Rita, përmes postimeve në rrjetet sociale, na ka treguar se në këtë rrugëtim kishte pranë vetes edhe vëllain e saj të vogël si dhe motrën Elena Ora.
Mbrëmjen e sotme, Rita do të performojë në qytetin ku është rritur, në Londër. Ndaj nuk mund të mungonte edhe prania e prindërve të saj.
Ishte vetë Rita që ka postuar në rrjetet sociale, mbështetjen e prindërve, që kishin zgjedhur të visheshin njësoj. Të dy janë veshur me xhaketë ushtarake dhe në fytyrat e tyre lexohet lumturia për suksesin e vajzës së tyre.
“Prindërit e mi janë më të bukurit. Kanë kombinuar xhaketat për spektaklin e vajzës së tyre të vogël”, – ka shkruar Rita.
