Prindërit e nxënësve të shkollës “Emin Duraku” në Tiranë, refuzojnë t’i dërgojnë fëmijët e tyre në shkollë, nga frika e pasigurisë së godinës pas tërmetit të 26 nëntorit.
51 prindër i kanë dërguar ministres së Arsimit, Besa Shahini, një kërkesë, ku kërkojnë garanci për siguri në mënyrë që t’i dërgojnë fëmijët në shkollën 9-vjeçare.
Pas tërmetit të 26 nëntorit, një pjesë e kësaj shkolle u mbyll për shkak të dëmeve.
Nxënësit u tha se do të zhvillojnë mësimin turnin e dytë, në pjesën më të sigurt të godinës.
Por duket se ky vendim nuk u pëlqen prindërve të nxënësve, të cilët druhen për sigurinë e fëmijëve të tyre.
