Një tjetër histori mjaft prekëse që u transmetua mbrëmjen e djeshme në emisionin “Dua të të bëj të lumtur” ishte ajo e Sulltanes dhe Shpëtimit.
Dyshja kishte rënë në dashuri me shikim të parë me njëri-tjetrin dhe kishin kurorëzuar dashurinë e tyre në martesë.
Fryt i dashurisë ishin 3 fëmijë, një prej tyre, Mirketa e cila i ishte drejtuar emisionit në fjalë për të bërë të lumtur prindërit e saj.
Këto të fundit nga vështirësitë ekonomike ishin detyruar që të braktisnin fëmijët kur ishin të vegjël, për t’u larguar në emigrim.
Duke ditur gjithë sakrificat e shumta që prindërit e saj kishin bërë, Mirketa gjatë transmetimit të emisionit u kërkoi publikisht falje prindërve të saj dhe po ashtu i falënderoi për gjithçka që kanë bërë: “Ma, ba ju e dini që nuk e them shpesh të dua, por duhet ta dini se jeni shumë të rëndësishëm dhe ju jam tepër mirënjohëse! Ju keni qenë mbështetja ime më e madhe dhe dua t’ju kërkoj falje se nuk e mbarova dot shkollën!”
E gjithë atmosfera ndryshoi në studio kur hyri surprizë këngëtarja e muzikës popullore, Merita Halili.
“Unë jam prind vetë dhe e di shumë mirë sakrificën e prindërve, por sakrifica nuk humbet asnjëherë. Ti je nënë dhe të dhemb shpirti, por baballarët bëjnë shumë për vajzat”, tha Merita. /revistawho.com
