Një studim i ri paralajmëron të gjithë prindërit që të bëjnë kujdes me fëmijët pasi përdorimi i paisjeve të teknologjisë, si celularë apo tableta, ju vonon të folurën.
Studimi që do të prezantohet në “Pediatric Academic Societies meeting” në San Francisco, thotë se një fëmijë shpenzon mesatarisht 30 minuta në ditë para ekraneve të vegjël dhe rreziku për vonesa në të folur rritet me 50%.
Ata kanë studiuar 894 fëmijë të moshave 6 muajsh deri në 2 vjeç në Toronto, për një periudhë 3-vjeçare. Në kontrollin e 18 muajshit, 20 % e fëmijëve kalonin 28 minuta në ditë me këto pajisje, sipas prindërve të tyre.
Në studim nuk kishte lidhje të tjera të dukshme mes kohës së qëndrimit në ekran dhe vonesave të tjera në komunikim përfshi ndërveprimet shoqërore apo gjuhën e trupit.
Dr. Catherine Birken, autorja e studimit thotë se pavarësisht këshillave të ndryshme sesa kohë duhet të rrijë një fëmijë para ekranit, “ne besojmë se përdorimi i smartphone dhe tabletëve është bërë mëse i zakonshëm në jetën e tyre”.
Ajo mbështet rekomandimet e fundit të A”merican Academy of Pediatrics” që të ndalohet përdorimi i tyre nën moshën 18 muajshe. Megjithatë studimi thotë se nuk ka prova direkte të shkakut dhe efekteve pasi këto do të jenë objekt studimi në të ardhmen.
