Entuziazmi për Tokyon u shpreh në një fjalim nga Princi Harry, i cili po viziton këto ditë qytetin japonez, së bashku me mikun e tij prej shumë kohësh, poloistin argjentinas Nacho Figueras.
Dyshja do të marrë pjesë në ndeshjen e mbledhjes së fondeve të Harry’s Sentebale Polo Cup në Singapor këtë të shtunë, mbledhje e cila do të ndihmojë të rinjtë e prekur nga HIV/AIDS.
Princi Harry tha në një fjalim: “Unë do të jetoja me kënaqësi këtu nëse do të më donit”, ndërsa vlerësoi “ngrohtësinë, dhembshurinë dhe bujarinë” e kulturës “të veçantë” japoneze.
Harry, i cili po udhëton pa gruan e tij Meghan dhe fëmijët Archie dhe Lilybet, u mirëprit në një ovacion në Samitin e Vlerave Sportive ISPS (International Sports Promotion Society) ‘Special Edition’.
“Unë kam qenë i përfshirë në shumë bamirësi për pjesën më të madhe të jetës sime dhe kam një kënaqësi të jashtëzakonshme. Jeta ime është bamirësi, gjithmonë ka qenë, gjithmonë do të jetë”, shtoi princi.
Ndërkohë, ndërsa Duka i Sussex ndodhet në Japoni me familjen mbretërore, ai ka hequr titullin e princit nga faqja zyrtare.
Megjithatë, disa pjesë të faqes mbretërore i janë referuar gabimisht Harry-t si Lartësia e Tij për tre vitet e fundit. Titulli u përmend dy herë në faqen e tij të profilit, por që nga e premtja të gjitha referencat për të janë hequr. Në një deklaratë më 18 janar 2020, Buckingham Palace tha: “Sussex-ët nuk do të përdorin titujt e tyre pasi ata nuk janë më anëtarë aktivë të familjes mbretërore”.
