Dorë për dore, Princi Harry me krenari bëri daljen e parë zyrtare si çift me partneren e tij, Meghan Markle, në një ndeshje tenisi.
Aktorja 36-vjeçare bëri një zgjedhje intriguese, duke u veshur me një këmishë të bardhë me emrin “The Husband” (“Bashkëshorti”), e dizajnuar nga mikesha e saj Misha Nonoo, që kushtonte 300 dollarë.
Shfaqja e tyre në publik është shenja më e sigurt se një fejesë është duke ardhur nga çifti. Të dashuruarit të pandashëm nga njëri tjetri, panë bashkë gjysmëfinalen e Invictus Games. Çifti u ul në anën e gjyqtarëve duke folur dhe qeshur.
Tashmë një eksperte e gjuhës së trupit u shpreh për çiftin duke parë fotot e tyre se, të dy demonstruan dashurinë e tyre të sinqertë për njëri-tjetrin.
Dr. Lillian Glass menjëherë vuri në dukje se ajo nuk e kishte parë Princin 33-vjeçar kaq të lumtur dhe të relaksuar që kur ishte i vogël. Ekspertja tha se, ndërsa Harry zakonisht duket i tensionuar ose pak i shqetësuar, këto ndjenja me sa duket zhduken kur ai është pranë Meghan-it.
Ajo gjithashtu vuri në dukje disa shenja që tregojnë se Harry dhe Meghan qëndruan në sinkronizim me njëri-tjetrin gjatë gjithë ndeshjes së tenisit.
“Para së gjithash, kurrë nuk e kemi parë Harry kaq të relaksuar me askënd. Çdo vajzë me të cilën ka qenë, ekzistonte një distancim, një ngathtësi, një formalitet i vërtetë. Por me Meghan-in ju me të vërtetë shihni se ka një lidhje”, u shpreh ekspertja.
Kur Harry dhe Megan dolën së bashku, Lillian vuri në dukje se këmbët e tyre ishin në sinkron, që do të thotë që të dy ishin në të njëjtin hap me tjetrin.
“Duart e tyre janë të ndërthurura. Buzëqeshja e saj është shumë e vërtetë, ashtu siç është edhe e tija me faqet e ngritura e gojën e hapur”, shtoi ajo.
Në një moment, çifti u përpoq të ulet pak më formalisht, Meghanin duke kryqëzuar krahët dhe Harry duke duartrokitur. Por edhe në atë pozicion, nuk mund të ndrydhnin dashurinë për njëri-tjetrin.
“Ata po përpiqen të jenë formalë. Por fakti që ata të dy janë të përkulur nga njëri-tjetri flet vetë”.
Gjatë gjithë lojës, sipas Lillian, Meghan u përpoq të ishte “e përmbajtur” dhe “të sillej në mënyrën e duhur”.
“Ai ndihej shumë rehat. Ai është mbështetur në të. Dhe shikoni mënyrën se si ulen. Është shumë mashkull dhe femër në kuptimin që gruaja merr më pak hapësirë dhe mashkulli merr më shumë hapësirë në ulëse. Ajo po përpiqet të jetë më modeste”.
Burimi: Daily Mail
