Princi Harry dhe Meghan Markle, u larguan nga jeta mbretërore në vitin 2020 dhe u zhvendosën larg mbretërisë për të filluar nga e para. Që atëherë, ata janë larguar nga anëtarët e vjetër të familjes dhe janë kthyer në Londër vetëm disa herë.
Mirëpo Princi është konfuz pse ai dhe gruaja e tij janë shkëputur prej familjes mbretërore.
Tani, një burim ka pohuar se Harry – i cili, së bashku me gruan e tij, nuk ishte i ftuar në ceremoninë e Trooping the Color në fillim të këtij muaji – e ka kuptuar se ai është “një i huaj”.
“Ai është zemërthyer dhe konfuz nga mënyra se si i kanë prerë raportet me të”, tha një burim i brendshëm mbretëror për revistën Closer.
Burimi shtoi se Harry ka qenë “aq i shqetësuar” për Princeshën e Uellsit që kur mësoi për diagnozën e saj të kancerit.
