Princ Harry dhe Meghan Markle raportohet se morën pjesë në dasmën e një miku. Për udhëtimin sekret të çiftit, Harry fluturoi nga Londra, ndërsa aktorja nga Toronto, për ceremoninë në St. James.
Miku i Princit, Tom Iskip, u martua me agjenten letrare Lara Hughes-Young dhe ceremonia ishte madhështore. Çifti mori me qira një resort me pamje nga deti. Festimet raportohet se zgjatën tre ditë.
Për ceremoninë, Meghan zgjodhi një fustan të gjatë me lule 1.200 paundë, nga dizajnuesi Erdem. Ndërsa Harry u shfaq me një kostum blu të errët, nga i preferuari i tij Gieves & Hawkes, të cilit i shtoi edhe një lule të verdhë.
Meghan zgjodhi si aksesor për fustanin e saj një çantë nude dhe syze dielli nga Dior, 249 paundë, për të mbrojtur sytë nga dielli i fortë i Xhamajkës.
Veç faktit, që shijuan pushime romantike në Karaibe, martesa e mikut të tij shënon një hap të madh për Harry-n dhe Markle. “Kjo është hera e parë që ajo dhe Harry janë shoqëruar në mënyrë kaq të hapur si çift dhe është një hap i rëndësisshëm për marrëdhënien e tyre”, tha një burim.
Markle është dalluar duke përqafuar dhe shprehur me anë të gjesteve, dashurinë për partnerin e saj Harry.
Burimi: Daily Mail
