Disa rrëfime mund të bëhen edhe live! Prezantuesja e famshme italiane, Simona Ventura, u rrëfye si kurrë më parë në emisionin “L’intervista” me Maurizio Costanzo-n, lidhur me problemet e saj me ish-bashkëshortin, Stefano Bettarini.
“Unë e kam tradhtuar vetëm një herë në 8 vite. Kurse ai shumë herë”, tha Ventura.
Ky rrëfim u pasua me pyetjen, se për çfarë arsye e kishte lejuar një gjë të tillë, Ventura u shpreh: “Sepse isha e dashuruar, kisha dy fëmijë dhe përgjegjësi të tjera. E kam falur gjithmonë, bëja sikur nuk dija gjë, por i dija të gjitha. Për më tepër, ai nuk ngurronte të më tradhtonte me gra që ishin pjesë e botës sime”.
Ajo pranoi se Bettarini kishte pasur marrëdhënie edhe me gra të televizionit, që ia kishin thënë vetë historitë e tradhtisë.
“Kur e tradhtova, kuptova që martesa jonë kishte marrë fund. Më parë bëja sikur nuk shihja. Nuk doja ta besoja”, tregoi ajo në emision, duke shtuar se kur kishte kërkuar divorcin, ai e kishte kërcënuar se do t’i shkatërronte karrierën.
Burimi: Corriere
