Ornella Fleury, aktore komediane, e njohur si vajza e motit në televizionin francez “Le Grand Journal”, vuri në lojë aktorin Jonah Hill, kaq keq, sa që ai mbeti i shokuar.
Ajo i foli atij për një fantazi seksuale që kishte imagjinuar me të. Tregimi i kësaj fantazie nisi me rolin e Jonah në filmin “This is the end”, ku ai përdhunohet nga një alien.
“Kur në filmin “This is the End” të shoh se si torturohesh seksualisht nga një demon tre metra i gjatë, i them vetes: “Ja, ky është mashkulli i ëndrrave të mia”, tha ajo.
“U takuam gjatë natës në dhomën e hotelit. Filluam të bisedonim, ti më bëje të qeshja. Më bëjë të qeshja shumë. Dhe më pas krejt papritur, ti solle miqtë e tu Leonardo DiCaprio dhe Brad Pitt, dhe më pas u largove”.
Të gjithë shpërthyen në të qeshura, ndërsa Jonah u shpreh: “Jam i lumtur që kam ardhur në këtë emision për t’u tallur nga prezantuesja juaj e motit”.
