Mesa duket fama e Dua Lipës nuk njeh kufi apo moshë. Gjatë Samitit zyrtar në Bruksel mes Ursula von der Leyen dhe Vjosa Osmanit ka ndodhur një bisedë mjaft e këndshme.
Pasi bënë takimin zyrtar dhe po bënin fotot zyrtare, bashkë me Charles Michel dhe Emmanuel Macron, Ursula nuk ngurroi të pyeste Vjosën se si është Dua Lipa.
“Është shumë mirë. Shpresojmë t`ju kemi edhe juve kur “Sunny Hill Festival” të mbahet në Kosovë. Të gjithë ju jeni të ftuar”- tha presidentja e Kosovës.
Ursula shtoi se të dyja diplomatet janë fanse të së njëjtës muzikë.
Në këtë mënyrë, Presidentja e Kosovës ka promovuar “Sunny Hill Festival”, i cili organizohet pikërisht nga Dua dhe babai i saj, Dukagjin Lipa.
Ndryshe nga herët e tjera festivali do mbahet dhe në Tiranë.
Në njoftimin zyrtar të publikuar më herët u njoftua se festivali nuk do të mbahet në Kosovë për shkak të vonesave nga institucionet për sigurimin e licencave të nevojshme për vendndodhjen.
Ky vendim solli mjaft pakënaqësi por më pas mesa duket u gjet një zgjidhje, pasi festivali u kthye në Prishtinë.
Por në frymën e bashkëpunimit të shkëlqyeshëm kulturor mes Kosovës dhe Shqipërisë, një edicion i veçantë me një line-up tjetër do të mbahet në fund të muajit gusht në Tiranë më 26, 27 dhe 28 gusht. Gjithashtu bëhet e ditur se përveç artistëve të njohur si Diplo, Skepta, DJ Regard, AJ Tracey, Mahmood dhe artistët më të njohur shqiptarë, për këtë edicion do të zbulohen edhe dy artistë shumë të mëdhenj botëror të cilët do marrin pjesë.
