Vajzat e Presidentit Barack Obama, Malia and Sasha, janë përkatësisht 18 dhe 15 vjeç tani, që në SHBA cilësohet si mosha për të njohur djem. Dhe djemtë vërtetë dalin me to, por Obama tha në një emision të premten se, “E vërteta është që jam shumë i relaksuar, për dy arsye”.
Dhe më pas Presidenti zbuloi pse nuk shqetësohet nëse dalin me djem vajzat e tij.
“Njëra është nëna e tyre Michelle. Ajo i mëson, është një shembull kaq i mirë se si e mban veten, respektin për veten, duke mos u varur nga djemtë për të vlerësuar se si dukesh, të mos e lësh veten të gjykohesh për asgjë nga të tjerët veç karakterit dhe inteligjencës. Dhe fatmirësisht unë kam qenë një shembull i mirë se si kam treguar respekt për gruan time. Kështu që unë nuk shqetësohem për to pasi janë vajza shumë të forta dhe të zgjuara tani”, tha Obama.
Dhe sigurisht ai ka një siguri: “Arsyeja tjetër është sepse ato kanë një Shërbim Sigurie. Ka kaq shumë gjëra që mund të bëjnë. Këta djem të shkretë vijnë në shtëpinë time dhe…”.
“Ata nuk ia kanë idenë”, shtoi moderatori.
“Jo, ata e kanë një ide. Unë ua përshkruaj…”, tha Obama duke qeshur.
Burimi: Elle
