Presidenti Ilir Meta ka firmosur live para mediave dekretin ku anuloi zgjedhjet e 30 qershorit 2019.
Ai tha se pa pasur një datë të caktuar nga presidenti dhe pa arritur një konsensus politik, nuk mund të mbahen zgjedhjet.
“Në Shqipëri vendi po shkon drejt votimeve një partiake që do të bënte një regres për të ardhmen europiane të vendit. Nëse zgjedhjet do bëhen pa garë do përcillte një mesazh të gabuar se Shqipërisë është orientuar në një qasje të ndryshme nga ajo që ka ndjekur deri më tani. Më 2020 Shqipëria kryeson OSBE dhe duhet t’i paraprijë kryesimit të kësaj organizate me shembullin më të keq. Për të gjitha se ka parashtruar më sipër me vetëdije të plotë se kushtet nuk mundësojnë zgjedhje të lira dhe të ndershme, me bindjen se ky vendim është mënyra e vetme për zgjedhjen e saj, si kreu i shtetit në përputhje me kushtetutën kam vendosur që të dekretoj shfuqizimin e dekretit dhe anulimin e datës 30 qershor. Ftoj të gjithë aktorët të nisin dialogun për gjetjen e një zgjedhje të shpejt”
Meta tha se zhvillimi i zgjedhjeve në kushtet e tensionuara sjell jo vetëm bojkot por edhe rrezikun e një konflikti civili.
Pasi hodhi firmën dhe e ktheu dokumentin përpara kamerave për të dëshmuar aktin e tij, presidenti bëri edhe simbolin e shqiponjës me dy duar.
