7 Marsi është festa e mësuesve tanë, që me mund e sakrifica kanë kontribuar në rrugën tonë të dijes. Në këtë ditë të veçantë, Ilir Meta është ndër të parët që ka uruar gjithë mësuesit shqiptarë për punën e tyre të palodhur.
“Sot në Ditën e Mësuesit, dua t’ju uroj nga zemra të gjithë mësuesve, pedagogëve dhe profesorëve shqiptarë: Gëzuar 7 Marsin, ditën e nderimit të madh të veprës suaj të ndritur. Mirënjohja, dashuria e respekti do të shoqërojnë përjetësisht punën dhe misionin tuaj fisnik”, ka shkruar Ilir Meta në rrjetet e tij sociale.
Këtë urim të veçantë Presidenti ka zgjedhur ta shoqëroj me dy foto nga fëmijëria e tij. Foto të vjetra bardhë e zi që zotit Meta i ngjallin shumë kujtime, ndërsa ne jemi kureshtar ta shohim se si ka qenë ai i vogël. Ndjekësit e tij në “Facebook” kanë dhënë mendimin e tyre se kush iu ngjan si Presidenti nëpërmjet komenteve në këto foto. Po ju a arrini ta dalloni se cili prej tyre është Ilir Meta.
