Presidenti i ri i zgjedhur i Francës i është drejtuar manisë ndërkombëtare lidhur me moshën e gruas së tij. Emmanuel Macron ka thënë se paragjykimet kundër femrave dhe homofobia duhen fajësuar për spekulimet se, ai nuk mund të jetë i dashuruar me gruan e tij, e cila është 24 vite më e madhe.
“Po të kisha qenë 20 vjet më i madh se gruaja ime, askush nuk do të kishte menduar për një sekondë të vetme që nuk mund të isha një partner i dashur. Kjo po ndodh për shkak se ajo është 20 vite më e madhe se unë dhe shumë njerëz thonë, “Kjo marrëdhënie nuk mund të jetë e qëndrueshme, nuk mund të jetë e mundur”, tha ai për “Le Parisien”.
Macron u martua me gruan e tij Brigitte Trogneaux në vitin 2007, kur ai ishte 29 vjeç dhe ajo ishte 53 vjeçe. Diferenca e moshës së çiftit është pikërisht e njëjta me atë të Presidentit Trump dhe gruas së tij Melania, megjithatë dallimi në moshat e tyre ka marrë shumë më pak vëmendje.
Ai shpjegoi se njerëzit që besojnë se thashetheme, që ai mund të jetë vërtet një homoseksual dhe nuk mund të jetë vërtetë i dashuruar me gruan e tij, kanë “humbur ndjenjën e realitetit” dhe kanë një “problem të madh me homoseksualitetin”. Ai e përshkroi atë si “homofobi e shfrenuar”, që njerëzit po e akuzojnë atë se është homoseksual, sikur të ishte një “sëmundje e fshehur”.
“Ka një problem të madh me paraqitjen e shoqërisë dhe si e shohin vendin e një gruaje”, shtoi ai.
Burimi: Harper’s Bazaar
