Njerëzit që merren me politikë nuk tregojnë shpesh anën e tyre “të butë”. Por ish-deputeti Eduart Ndocaj dëshmoi se disa momente mund të emocionojnë kaq shumë, pavarësisht profesionit apo imazhit serioz që ke krijuar.
I ftuar në emisionin “Xing me Ermalin”, ai na preku të gjithëve me dedikimin që bëri për bashkëshorten e tij.
Ndocaj u shpreh se në gjithë këto vite, ajo ka qenë mbështetja e tij më e madhe.
“Në gjithë këto vite ka qenë njeriu më i afërt dhe më i veçantë në jetën time. Në pikat më problematike ajo më ka dhënë mbështetje dhe vazhdon të më mbështesë në çdo gjë dhe pse kam dal pak nga korniza ime, nga biznesmen, në politikan. Ajo rriti tre fëmijët e mi të mrekullueshëm në mënyrën më të mirë të mundshme. Jam shumë krenar që jam burri i asaj femre dhe e dua shumë”, u shpreh Eduart Ndocaj e më pas nxori shaminë për të fshirë djersët nga sikleti.
“E shikoni pse duhet farcoleta?”, tha ish-deputeti me humor.
