Arjola Demiri, aktorja e njohur tashmë pjesë e “Big Brother VIP” ka folur shpesh për fëmijët e saj dhe për dashurinë e saj ndaj tyre. 3 fëmijët kanë qenë në qendër të shumë bisedave, por sidomos e vogla Alesja, e cila sipas Arjolës është më e veçanta në natyrën e saj.
Sot kur u takuan nuk munguan lotët dhe përqafimet si dhe një bisedë e ngrohtë e dhuratë e bukur:
Alesja: Mos qaj.
Arjola: Më ka marr shumë malli për ty. Të kam pa në ëndërr.
Alesja: Edhe unë te kam pa në ëndërr. Të dua shumë, jam shumë krenare për ty. Shumë e lumtur që je mami jonë, e di që nuk është e lehtë për ty aty brenda. Të dua shumë.
Ajo më pas i dha një bluzë ku shkruhej:
Edhe hana do ta dijë
Edhe dielli ty të ka pa
Se si mami jem të fortë
Shqipnia çikë nuk ka.
Aktorja e humorit ka treguar vështirësitë e shumta që ka pasur martesa e saj duke treguar për sakrificat që i është dashur të bëjë për të fituar kujdestarinë e fëmijëve të saj.
“Kam 3 vite që jam në gjyq, donin të m’i ndanin fëmijët. I thashë ose me mua ose me atë, fëmijët nuk pranoj t’i ndaj”, tha ajo.
Po ashtu, Arjola ka thënë se me të atin e fëmijëve nuk ka më asnjë komunikim.
