Buta është njëri prej talenteve më premtues të repit shqiptar. Ai është mjaft aktiv në rrjetet sociale, ku ndan me mijëra ndjekës detaje nga jeta profesionale dhe jo vetëm. Përsa i përket jetës personale, ai ka tentuar që ta mbajë sa më të fshehtë, mirëpo së fundmi vendosi që të bënte një përjashtim dhe na prezantoi me të dashurën e tij.
Buta ka postuar në rrjetin e tij social Instagram foto të ndryshme me partneren, ku duken mjaft të lumtur së bashku.
View this post on Instagram
E dashura e reperit nuk është pjesë e skenës dhe ekranit shqiptar, ndërkohë emri i vajzës akoma nuk është bërë i ditur.
Për partneren, Buta foli për herë të parë në një intervistë me Alaudin Hamitin në emisionin “NIN”.
Reperi tregoi se çifti ka tre vite bashkë dhe madje kanë nisur edhe bashkëjetesën. Ata janë në qiellin e shtatë nga lumturia dhe shumë shpejt mund të kemi lajme të tjera akoma më të bukura prej tyre.
Kujtojmë se reperi jeton në Ferizaj dhe emri i vërtetë i tij është Betim Januzaj. Me tekste është marrë prej moshës 12 vjeçare. Ne shtator 2010 vendosi të mos jetë vetëm fans i Hip-Hopit, por edhe pjesë e tij. Në intervista të ndryshme ai ka deklaruar që ndjek hapat e rrymës ‘neë school hip-hop’, pasi ai thotë se u rrit me rrepera si Lil Wayne e Future, jo me rreperat legjendar Tupac e Biggie. Kënga e tij e parë u publikua në shtator 2010 dhe titullohej “Guillotine”. Prej asaj kohe ai nuk u ndal më. Njihet si reperi i parë që solli TRAP-in në Kosovë, po ashtu edhe në Shqipëri.
