Së fundmi në emisionin “Dua të të bëj të lumtur” u transmetua një surprizë mjaft emocionuese.
Protagonistët kryesorë ishin disa të moshuar të cilët rrëfyen sakrificat e jetesës në shtëpinë e të moshuarve.
Ndërkohë në mënyrë që t’i lumturonte, kuzhinierja e shtëpisë së të moshuarve të Tiranës, e quajtur Linda, i ishte drejtuar programit “Dua të të bëj të lumtur” për t’i surprizuar ata.
“Të moshuarit e meritojnë dhe të gjithë që kanë të moshuar në shtëpi duhet t’i japin dashuri pa fund. Mosha do të na vijë dhe ne shumë shpejt dhe vetëm dashuria na mban”, tha Linda e cila prej plot 7 vitesh gatuante dhe kujdesej për ta.
Moderatorja Arbana Osmani i lumturoi të moshuarit edhe më tepër kur iu tha që kishte rezervuar për ta një udhëtim me autobus në Budva. /revistawho.com
