Moderatorja Ori Nebijaj ka reaguar në lidhje me vendimin e saj për të pranuar mandatin e deputetet, duke lënë kështu telvizionin.
Në një postim në Facebook, Ori shkruan:
“Do të jetë privilegji më i madh i jetës time, të përfaqësoj njerëzit që më besuan dhe votuan për të qenë në Parlamentin e Shqipërisë”
Ori Nebijaj sapo ka firmosur formularin e pranimit të mandatit në KQZ dhe tashmë do të marrë vendin e Grida Dumës, e cila nisi mbrëmë emisionin e saj në televizionin “Top Channel”, ku është moderator edhe Ori Nebiaj.
Nebiaj kandidoi më 25 prill në qarkun e Tiranës, ku mori 5606 vota preferenciale.
Nebiaj ishte e renditur e 18-ta në listën e PD-së, por pas rirenditjes në bazë të votave preferenciale ajo u ngjit një vend më sipër.
Moderatorja foli edhe në një puntatë në programin që drejton “Për’Puthen” lidhur me emocionet e saj për mandatin e deputetes.
“E vërteta është që më dridhen gjunjët për cdo votë për ata që zgjodhën që të më votojnë.E gjitha analiza dhe strumbullimi që kam e kam vetëm për këtë gjë. Duket sikur të gjitha përmendjet që i janë bërë këtij emisioni në arenën e Kuvendit, sikur thërritën njëra tjetrën me energji, Aq shumë sa e kanë përmend Për’Puthen në Parlament, më duket si trajnim tani…”, tha Ori gjatë programit “Për’Puthen”.
Ori Nebijaj ka bërë një reagim më herët në rrjetin social “Instagram”, lidhur me mandatin e deputetes së PD.
Postimi i saj:
Komunikim i rëndësishëm (kryesisht për mediat) Kur unë u përfshiva në politikë pata kohën e duhur për t’u menduar e për të marrë vendimin për t’u angazhuar në fushatë. E bëra me gjithë zemër jo vetëm për të mbështetur forcën time politike por edhe për ata mijëra njerëz që me votën e tyre e përkrahën angazhimin tim politik.
Për shkak të ngjarjeve që kanë ndodhur ditët e fundit çështja e mandatit është rikthyer me një peshë e përgjegjësi edhe më të madhe për mua. Por përtej titujve që kanë pushtuar portalet dhe me gjithë rrethanat e ndryshuara më duhet të marr sërish kohën time për të arritur në një vendimmarrje që të jetë në baraspeshë me besimin që mijëra votues më dhanë në zgjedhje por edhe me marrëdhënien dhe kontratën që kam me familjen time mediatike. Çdo gjë në jetë do kohën e saj…
