Vjeshta e vitit 2017 për një nga shtëpitë më të mëdha të modës, Prada, do të mbërrije plot ngjyra, frulla dhe e frymëzuar nga moda e viteve ’60 dhe ’70, me pantallona kadife, funde, pulovra prej leshi dhe triko të qëndisura.
Miuccia Prada nuk ka zhgënjyer asnjëherë me krijimet e saj. Ajo është dizajnuesja me idetë më të qarta në botë që i kombinon me një sistem besimi të përqendruar në çështjet feministe dhe mënyrat se si gratë duhet të perceptohen. Por këtë sezon, sfilata e saj paraqiti një pikë të intrigave përveç modës.
E gjithë sfilata u shndërrua në një film të Federico Fellini-t,(La Città Delle Donne), me një stil retro dhe me këmisha dhe triko që ngjasonin me modelet e gjysheve. Megjithatë modelet guxuan në pasarelë për t’i veshur këto triko edhe me kopsa zbërthyer.
*Shfleto galerinë
